第一百八十三天：你幾時起身？

今早我發燒，
因為支持唔住，所以起身食左粒panadol，
食完之後坐左0係sofa，望住仲瞓緊覺的你，
一直諗：你幾時起身？我想去睇醫生呀。

第一百八十二天：英皇餐廳

好耐好耐之前，你話：我食過依間野，真係好難食。
我話：不如俾多次機會佢啦！
食過一次之後，我地就定期去食英皇餐廳lu。

通常我地夜晚去都食二人套餐，
每一次叫都會叫油飯，
不過今次同上次一樣，
又係我地叫左油飯，
佢俾白飯我地。
點都好，都食得過既：）

第一百八十一天：Running Man 婚禮競賽

好鐘意同你睇Running Man，
因為你笑點真係好低好低！
你仲好笑過Running Man哈哈！

第一百八十天：執房

執左好耐房喇...
我：好攰呀，一陣再繼續執房
你：仲未執完？ 執左好耐喇播

係呀，我執得好慢，你可唔可以幫我打氣呀？

第一百七十九天：食buffet

你生日仲有一個月，
係，仲有一個月，
不過我已經好緊張了！！
今日忙於book buffet，
哈哈，
book定幾日唔同時間，
希望你鐘意啦！
唔知你最後會唔會食呢？

6月20日 The Market
6月22日 The Greenery
6月23日 Promenada

第一百七十八天：心中的烏龜

『慢活』的本質不是懶惰，而是對健康、對生活的珍視。
希望早日能找到心中的烏龜。


http://tw.myblog.yahoo.com/oriental-express/article?mid=1295

第一百七十七天：第一次去海洋公園

5月22日真是一個去海洋公園的大好日子！

Sunshine我地來了！

我興奮到 好似我生第一次去海洋公園咁！！！

hahahahahahahahaha海洋公園玩，好多新野，我地都太耐冇去，完全係一個大鄉里出城。

超級恐怖的動感快車，

一諗起玩玩下如果安全帶甩左，

我依一世就玩完我就超級驚，

狂尖叫！！！

好多奇華餅家的香港老大街

仲有pat pat好痕的熊貓！

第一百七十六天：幸福之戒

唔知道你幾時會送隻介指俾我呢？

第一百七十五天：5月20日

5月20日原來係示愛的日子？

我：你要應承我一件事。
你：咩呀？
我：你應承先啦！
你：你講左咩先啦！
我：唔得，你要應承我先呀！
你：......好啦！
我：由我30歲至80歲，你要每個星期同我講一次我愛你。

第一百七十四天：美麗

今日我買左好多化妝品，
希望我以後都可以靚d，
希望你以後都會鐘意我多d。